2023 жылдың 8 айында Қазақстан Республикасына құны 2 миллиард АҚШ долларын құрайтын 93,9 мың автокөлік әкелінген. Аталған импорттан

260,2 миллиард теңге кедендік төлемдер мен салықтар түсті, бұл өткен жылдың сәйкес кезенімен салыстырғанда 2,6 есеге көп. Бұл туралы Мемлекеттік кірістер комитетінде хабарлады.

      Бұл ретте, Қазақстан Республикасында кедендік рәсімдеу электрондық түрде мемлекеттік кірістер органдарының ақпараттық жүйелері арқылы жүзеге асырылады, осыған байланысты сыртқы экономикалық қызметке  қатысушысы өзінің электронды цифрлық қолтанбасымен қол қойып, тауарларға декларацияны өзі  кез-келген жерден, үйден шықпай-ақ, ұсынуына мүмкіндігі бар.

      Бұл ретте, бақылау және тауарларға арналған декларацияларды шығаруға байланысты кедендік функциялар толығымен орталықтандырылып, Бас диспечерлік басқарманы құрылды.

      Сыртқы экономикалық қызметке қатысушылармен тікелей байланыс алынып тасталды. Кедендік бақылау тек қана мемлекеттік кірістер органдарының ақпараттық жүйелері арқылы жүзеге асырылады.

      Әкелінетін автокөліктерді кедендік рәсімдеу ережелері өте қарапайым. Импорттаушы тауарларды кедендік декларациялау кезінде оның кедендік құнын анықтау кезінде көлік құралын сатып алуға жұмсаған шығындарды, сондай-ақ оны Қазақстанға жеткізумен байланысты жұмсаған шығындарын есепке алуға міндетті (көлік шығындары, сақтандыру төлемдері және т.б).

       Сондықтан көлік құралын кедендік тазарту барысында кедендік құнның қабылдануы үшін оның құны сенімді, сандық жағынан анықталған және құжатталған ақпаратқа негізделуі керек.

       Мысалы: жөнелтуші елдің экспорттық декларациясы, шот-фактура, тауарды жеткізуге арналған көлік шығындары, сатып алушы мен сатушы арасындағы сатып алу-сату шарты, бантік аударым, аукциондық парақ және т.б.