1. Әкімшілік құқық бұзушылықтар туралы істерді сот немесе орган (лауазымды адам) қандай мерзімде қарайды?

 

 Әкiмшiлiк құқық бұзушылық туралы iстерді iстi қарауға құқық берілген орган (лауазымды адам) әкiмшiлiк құқық бұзушылық туралы хаттаманы және iстiң басқа да материалдарын алған күннен бастап он бес тәулік ішінде қарайды (ӘҚБтК 817-бабы).

  1. Жеке табыс және мүлік салығы бойынша декларацияны (230.00 нысан) ұсынбағаны үшін әкімшілік жауапкершілік қарастырылған ба?

 

 Иә, салық төлеушінің Қазақстан Республикасының заңнамалық актілерінде белгіленген мерзімде мемлекеттік кірістер органына салық есептілігін ұсынбағаны үшін ӘҚБтК-тің 272-бабы бойынша әкімшілік жауапкершілік қарастырылған.

Сонымен қатар, табыстары мен мүлкі туралы декларацияларды және мәліметтерді қасақана ұсынбауы немесе толық, анық ұсынбағаны үшін ӘҚБтК-тің 274-бабы бойынша әкімшілік жауапкершілік қарастырылған.

  1. ӘҚБтК-де әкімшілік айыппұл салудың шегі қарастырылған ба?

 

 

 ӘҚБтК 44-бабымен әкімшілік айыппұл салудың шегі қарастырылған.

Жеке тұлғаға салынатын айыппұлдың мөлшерін екі жүз айлық есептiк көрсеткiштен асыруға болмайды.

Лауазымды адамға, жекеше нотариусқа, жеке сот орындаушысына, адвокатқа, шағын кәсіпкерлік субъектілеріне, сондай-ақ коммерциялық емес ұйымдарға салынатын айыппұлдың мөлшерiн жеті жүз елу айлық есептiк көрсеткiштен асыруға болмайды.

Орта кәсiпкерлiк субъектiлеріне салынатын айыппұлдың мөлшерiн бір мың айлық есептiк көрсеткiштен асыруға болмайды.

 1.Әрбір бұзушылық үшін жеке-жеке әкімшілік айыппұл түрінде әкішілік жаза қолданылады ма?

 Иә, Бiр адам екi немесе одан да көп әкiмшiлiк құқық бұзушылық жасаған кезде әрбiр құқық бұзушылық үшiн жеке-жеке әкiмшiлiк жаза қолданылады (ӘҚБтК 58- бабы).

Әрбір бұзушылық фактісіне дербес әкімшілік құқық бұзушылық құрамы құралады.

Адам өз құқықтарының, бостандықтары мен заңды мүдделерінің бұзылуы және әкімшілік құқық бұзушық туралы іс бойынша өндірісті жүзеге асыратын органның (лауазымды адамның) әрекетіне (әрекетсіздігіне) және шешіміне  шағыммен жоғары тұрған немесе сотқа қай мерзімде жүгінуге құқылы? 

 Адам өз құқықтарының, бостандықтары мен заңды мүдделерінің бұзылуы туралы өзіне белгілі болған күннен бастап екі ай ішінде жоғары тұрған органға (лауазымды адамға) және (немесе) сотқа шағыммен жүгінуге құқылы (ӘҚБтК 828-бабы).

  1. Тауарларды өткізуді есепке алу жүйесін бұзу тізбесіне енгізілген тауарларды Қазақстан Республикасының аумағынан тыс жерлерге әкету кезінде көзделген ресімдеуде тауарға ілеспе құжаттарда мемлекеттік кірістер органдарының мөрімен растау болмаған жағдайда заңды тұлғаға айыппұл салуға мемлекеттік кірістер органдары құқылы ма?

 

Иә, ӘҚБтК-нің 280-1-бабының бесінші бөлігі бойынша әкімшілік жауапкершілікке татртуға құқылы, айыппұл 50 АЕК құрайды.

 

Мен жеке тұлғамын, менде үй және автокөлік бар. Мен автокөлік пен мүлік салығын уақытылы төлемедім. Маған әкімшілік айыппұл салынады ма?

жоқ, әкімшілік айыппұл салынбайды. Алайда, салықты уақытылы төлемегеніңіз үшін әрбір кешіктірілген күніне өсімпұл есептелінеді.

Бұдан басқа, жеке тұлға  1 еселенген АЕК артық мөлшердегі салықтық берешегін төлемеген немесе толық төлемеген жағдайларда, жеке тұлғалардың салықтық берешегі туралы хабарлама табыс етілген күннен бастап 30 жұмыс күні өткен соң, салық органы жеке тұлғаның берешегін өндіріп алу туралы салық бұйрығын шығарады және оны шығарған күннен бастап бес жұмыс күнінен кешіктірмей жеке тұлғаға жібереді.