ҚАЗАҚСТАН РЕСПУБЛИКАСЫ ҚАРЖЫ МИНИСТРЛІГІ

МЕМЛЕКЕТТІК КІРІСТЕР КОМИТЕТІ

24.02.2015 ж.

Баспасөз релизі

Бүгін Астана қаласы әкімдігінде Астана қаласы бойынша Мемлекеттік кірістер департаменті әзірлеген Астана қаласының бюджетіне түсетін мемлекеттік кірістерді көбейтуге бағытталған 2015-2016 ж.ж. арналған іс-шаралар жоспарын ұсынды. Астана қаласының әкімі Ә.Жақсыбеков барлық тиісті қалалық мемлекеттік қызметтерге жоспарды орындау бойынша нақты шаралар қабылдауды тапсырды.

Астана қаласы бойынша Мемлекеттік кірістер департаментінің басшысы Ә.Сқақовтың айтуынша, осы құжат өзіне, астананың өзін-өзі жеткіліктілігін  арттыруға, жергілікті және республикалық бюджет деп бөлінбейтін бюджеттің жинақталған кірістерді көбейтуге бағытталған  іс-шаралар кешенін қосады, ал бұл біздің бір міндетіміз болып табылады.

Жоспар бірнеше бағыттан құралған: ұйымдастыру, медиялық және тікелей фискалдық жұмыс. Жоспарды іске асырудағы бұл бағыттар негізгі басымдықтарды қарастырады: талдау жұмыстары, бизнес ортасын жақсарту, мемлекеттік кірістердің алымдарын әкімшілендіру,  уәкілетті органдармен өзара іс-қимыл, БАҚ-пен жұмыс.

Сқақовтың айтуынша, талдау, Астанада 30743 жұмыс беруші өздерінің жалдамалы 4431 жұмысшысының ең төменгі жалақысын ғана көрсететінін анықтады. Бұл – бизнестің жалақыны «хатқалтамен» беру тәжірибесін жалғастырып отырғандығының дәлелі. Шынайы жалақыны қысқартып көрсетудің нәтижесінде қала бюджеті қағылатын қаржы жылына 8,3 млрд. теңге көлемінде бағалануда. Ал табыс және әлеуметтік салық төлемдері жылына 1,4 млрд. теңге кем түседі.

Қала еңбек мигранттарынан түсетін бюджет кірісінен қағылуда. Бұл жұмыстарды және көші-қон полициясымен бірлескен іс-шараларды дұрыс үйлестіруді талап етеді.

2014 жылы бюджет қаржысының ең үлкен сомасын, яғни 593,2 млрд. теңгесін 126 салық төлеуші алған. Бұл ретте, 169,1 млрд. теңгенің мемлекеттік сатып алуларына ие болған 152 жеңімпаздың салықтық жүктемесінің коэффициенті 1 пайыздан төмен. Шынында бұлар бойынша салық төлеу мүлдем жоқ.

«Өз кезегінде, Департамент тоқсан сайын атқарылған іс-шаралар бойынша есеп береді және аталған ақпаратты қала Әкіміне ұсынатын болады» - деп Астана қаласы бойынша Мемлекеттік кірістер департаментінің басшысы Қала басшысына айтты.

Жаксыбеков А.Р. қаланы көркейту мен дамыту бойынша алуан міндеттерді шешуге болатын бюджет түсімінің өсуіне әкелетін сапалы орындалуды, Департамент міндеттерінің басымдылығын орынды таңдалғанын айтты.

Астана қаласы бойынша МКД