ҚР Азаматтық кодексінің (Жалпы бөлім) 117-бабына сәйкес мүлік жылжымалы және жылжымайтын мүлік деп бөлінеді. Жылжымайтын мүлiкке (жылжымайтын заттар) жер учаскелерi, ғимараттар, құрылыстар, көпжылдық екпелер және жермен тығыз байланысты өзге мүлiк, яғни орнынан олардың мақсатына сай емес шығынсыз ауыстыру мүмкiн болмайтын объектілер жатады. Мемлекеттік тiркеуге жататын әуе және теңiз кемелерi, iшкi суда жүзу кемелері, «өзен-теңiз» жүзу кемелері, ғарыш объектiлері, магистральдық құбырлардың желілік бөлігі де жылжымайтын заттарға теңестiрiледi. Заңнамалық актілермен жылжымайтын заттарға өзге мүлiктер де жатқызылуы мүмкiн. Осыған байланысты, «өзге де мүлік» деп – ақшаны қоспағанда,  жылжымалы және жылжымайтын мүлік заң актілерінде жатқызылған мүлік түсіндіріледі.